| Openair – fids


Tickets | Line-Up | OK Team | Sponsora | fids 2021 | fids 2020

fids22 – miar gönd in dia nögsti Rundi!

Liabi fids-Jünger*inna und soon-to-be Ahänger*inna,

Miar hends letscht Johr bewiesa; dia veroschtata Tanzbei könnd no gschwunga werda, d’Zelter sind bi Usnahmebedingiga uf ihri Härti tested worda, ufem Für loht sich so einiges Schmackhafts herazaubera, d’Lyrics vu tolla Klikünstler kömmer immerno noch dr ersta Strofa Fehler-rich mitgröla und miar wüssen definitiv no wia Festival goht! Drum gömmer im 2022 in dia zweiti Rundi! Ds fids – Fescht in da Steina findet vum 5. – 7. August 2022 in da Bündner Berga statt und miar verwöhnen eu erneut mit lokaler Musig, herzlicher Atmosphära, phänomenaler Gsellschaft und guatem, selbergmachtem Gaumaschmaus.
Ischriba, vorfreua und mit üs abfiira; less Egos, more Amigos!

Eckpünkt

● Wann: 05. – 07. August 2022
● Wo: Graubünda, Churwalda


Tickets

Dr Ticket Vorverkauf startet am 24. Februar 2022:
● 2-tages Pass (Fr. + Sa.): CHF 100 (inkl. 2x Znacht und 2x Zmorga)
● 1-tages Pass Freitag: CHF 60 (inkl. 1x Znacht und 1x Zmorga)
● 1-tages Pass Samstag: CHF 70 (inkl. 1x Znacht und 1x Zmorga)

Tickets? Gits DO!
Helfa? Miar könnd jedi Hand brucha!


Line-Up fids22…

…findsch do!


Üsses OK – Team

Angelina

Koordination & Bar

Philippa

Musik

Tatjana

Marketing & Kommunikation

Andri

Koordination & Infrastruktur

Gian

Infrastruktur

Thomas

Sponsoring

Carmen

Gastwirtschaft

Marina

Gastwirtschaft

Orlando

Ticketing & Finanzen

Hannah

Dekoration

Silvana

Dekoration

Raphael

Sicherheit


Üssi fids22 – Sponsora


Rückblick fids22

Au das Johr isches aifach wider super gsi mit eu – miar hend üs gfreut kah hend iar dr Weg uf Churwalda gfunda kah! ❤️ Fötali: Franco Foffa

Drei Tääg, achtzehn Musiker*inna, sexafufzig freiwilligi Helfer*inna und rund hundersibzig Gäst – das isch z klii-Openair „fids – Fescht in da Steina“ in Churwalda gsi, wo vum 5.-7. August 2022 stattgfunda het. In fascht schu familiärem Rahma sind da Darbütiga vu da Künstler*inna us dr Region, wia am Mattiu, Head Smashed, ANATINA und Any Sabadi sowia au dena vum ferna Bern und dr Ostschwiz, wia Biandapid, Eutroopic und Too Mad glauscht worda. Ds Feschtgläänd wo vum Aug für z Detail und handwerklichem Gschickt vum Organisationskomitee zügt, het im Aschluss mit Barbetrieb und da beida DJs DJerry und DJ DoubleU2 im Sarasanai zum Verwila bis in dia früaha Morgastunda iglada. D Bsuacher*inna mit Zelt und Camper sind am Morga mit ma usgibiga Zmorga-Buffet mit lokala Produkt belohnt worda. Dia kulinarischa Höhepünkt sind aber dia gmainsama Z’Nächt gsi – as het Chilli Sin Carne und Älplermakkaroni geh – das het den natürlich au d Tanzbei für dia kommenda Konzert und Partynacht gstärkt. Mit ainazwanzig Liter selbergmachtem Ingwerer weniger, füfasibzig Blacha vum Party-Sarasani im Kofferuum, unzähliga guata Erinneriga und Gschichta sowia neua Fründschafta im Gepäck verabschieden miar üs bi eu! Bis ganz bald und machends guat – eures #fids-OK!

Rückblick fids21

As isch aifach dr HAMMER gsi! Danka eu 1000!

Dia ganz Wucha vorem Openair simmer am ufstella, bastla und dekoriara gsi damit mr am Fritig Nommitag, am 17.15 Uhr pünkltich mit dr ersta Band, mama’s B starta hend könna. Nocher hets a faina z’Nacht, wo ufem offna Füür kocht worda isch, geh. So hend alli wider gnuag Energie kah, zum Calandaboi & Everyboy und d Mirkwood Spiders live go luaga und abzdäänza. Im Aschluss het den dr DJ Cuche sini Liablingssongs ufglait und ma isch im Gian’s 24 h Party Zelt am abgoh gsi. Am nögsta Tag simmer den mitma ihaimischa z’Morga in da neu Tag gstartet und isch gmüatlich mitanand zemma ghöcklet und het Spieli gspielt. Am Nommitag isches den wider mit da nögsta Acts witer ganga. Zerst isch Jazz-Bouillabaisse uf dr Bühni gstanda und nocher isch dr Joel Perrin & Jachen Wehrli mit Poetry Slam dra gsi. Nochem zwaita unglaublich faina z’Nacht het Mischgewebe dia ganza Gäst zum tanza brocht und d Jamboree het mit ihrna Reggaemusik alli mitgrissa. Nocher isches wider mim DJ Cuche witerganga und alli hend bis in dia früaha Morgastunda tanzt.

As isch aifach unglaubglich gsi mit eu allna! Danka vielmol sinder koh und miar freuend us uuu fest, zum eu vum 5. – 7. August 2022 wider in Churwalda z’begrüassa döffa! Machends guat und stay fresh! 🤙


Rückblick fids20

Au miar hend leider müassa uf Grund vur Pandemie z ersta Fescht in da Steina absega!
Trotzdem hemmers üs nit neh loh üs uf ds kommenda fids21 vorzbereita.

(20.06.2020) Am vergangniga Wuchanend hetti aigentlich z allerersta FIDS in Churwalda stattfinda sölla – wia alli andera Events, hett das Openair laider au nid duragfüahrt werda könna.

Miar vum OK hend aber nid aifach trurig dahai ummahöckla & Tüümli drülla wella, sondern hend dia Glegaheit gnutzt zum üs uf nögst Johr izstimma. Am Samstig Nommitag simmer zemma ufs Erdbeerfeld go 22kg faini 🍓-li pflücka, hend dr Stabmixer zum glüaha brocht und als Resultat 70 Gläser Konfi ka, wo den am nögstjöhriga FIDS bimna faina z‘Morga verputzt werda könn. Miar freuend üs jetzt schu u mega fest uf Nögstjohr🤗 hebend eu sorg & bis bald